Përmes publikimit të fotografive dhe të dhënave në ueb faqe, ata kërkojnë arrestimin e të dyshuarve për vepra të ndryshme penale. Mirëpo, përveç kësaj forme të publikimit, ka edhe persona të tjerë në listat e kërkimit por që për arsye të ndryshme nuk janë publike.
Për këta 44 persona, Policia e Kosovës po kërkon ndihmën e qytetarëve për t’i gjetur.
Në ueb faqen zyrtare, disa prej tyre janë në kërkim që nga viti 2019. 42 prej tyre janë të gjinisë mashkullore ndërsa 2 të tjera të gjinisë femërore.
Ata kërkohen për vepra të ndryshme penale, si; mashtrim, grabitje, dhunim, vrasje të rëndë dhe të lehtë, raste të vjedhjeve, falsifikim të parasë etj.
Mirëpo veprat që kërkohen më së shumti janë 10 për aktivitete kriminale të kontrabandës për mallra.
Pesë të tjerë për blerje, posedim apo shpërndarje të paautorizuar të narkotikëve të rrezikshëm apo substancave psikotrope dhe analoge.
E sipas Policisë së Kosovës, zbatimi i kësaj forme vjen pasi këto lista me persona hartohet nga organet e drejtësisë.
“Lista me persona të kërkuar hartohet nga organet e drejtësisë dhe pastaj zbatohet nga policia. Por, në disa raste gjatë procesit të hetimit dhe kompletimit të rastit, policia prapë me miratim nga organet e drejtësisë kërkon bashkëpunim me qytetarë për identifikimin e personave të dyshuar. Shpesh falë një bashkëpunimi të tillë, policia ka pranuar informacione dhe ka ardhur deri tek identifikimi apo arresitimi i të dyshuarve të caktuar”, thuhet në deklaratën e Policisë.
Mirëpo përveç kësaj forme, ka edhe mijëra qytetarë të tjerë në kërkim të cilët për arsye të veprave nuk janë publik, mirëpo institucionet përkatëse kanë bashkëpunim. Raporti i gazetares Fetije Kamberi.
