Dy kërkesa i ka pranuar Kosova.
Emëruesi i përbashkët i të dyjave është vendimi Bankës Qendrore të Kosovës për ndalimin e përdorimit të dinarit që nga data 1 shkurt.
Bashkimi Evropian tha që këtë çështje palët duhet adresuar në dialog.
Ndërsa zëdhënësi i Departamentit të Shteteve të Bashkuara të Amerikës, bëri thirrje që të rishikohet ky vendim.
“ Ne i bëjmë thirrje Qeverisë së Kosovës që ta rishikojë këtë vendim, të konsultohet me komunitetet e prekura, t’i përgjigjet shqetësimeve të shprehura nga bashkësia ndërkombëtare dhe të ofrojë kohë të mjaftueshme që vendimet e saj të zbatohen në mënyrë që të zbusë ndikimin që ato vendime do të kenë në qytetarë. Ne jemi të shqetësuar se rregullorja e miratuar më 27 dhjetor do të ndikojë negativisht në komunitetin etnik serb në Kosovë”, tha ai.
E kërkesave të faktorit ndërkombëtar për rishqyrtimin e këtij vendimi, iu është përgjigjur të mërkurën, zëvendëskryeministri, Besnik Bislimi.
“Kur është fjala te neni 11 i Kushtetutës, që thotë ka vetëm një monedhë në qarkullim në Kosovë, të njëjtit miq na thonë ‘po këtë mos e zbatoni’. Kushtetuta, ose është e shenjtë, dhe duhet të zbatohet, ose pastaj bëjmë cherry picking [përzgjedhjen më të favorshme]. Nëse duhet të bëjmë cherry picking, po e bëjmë ne. Nëse duhet të zbatohet, atëherë insistoni që të zbatohet në të gjitha rastet”
Televizioni ka dërguar pyetje në Bankën Qendrore nëse të njëjtit do ta shqyrtojnë këtë vendim, por që deri në publikimin e kësaj kronike nuk kanë kthyer përgjigje.
Kronika e realizuar nga gazetari Venhar Isufi
