Ndërkohë që nga serbët lokal, po kërkohet që të rikthehen në institucione e Kosovës.
Një kërkesë të tillë, Arbër Fetahu, nga Grupin për Studime Juridike dhe Politike, e sheh si tentativë të ndërkombëtarëve për ta ofruar Serbinë në tavolinën e dialogut.
“Në një vështrim të parë mund të duket si një kërkesë që është e pabalancuar, megjithatë asociacioni tash e disa vite është kërkesë, tash e disa vite është një marrëveshje aty, dhe është pala kosovare që në bazë të vendimit të Gjykatës Kushtetuese, e ka eskivuar si temë nga tavolina e Bisedimeve. Megjithatë këto kërkesa të bërë drejtë palës kosovare, besoj në një vështrim të përgjithshëm,një farë forme dëshirojnë që ta ofrojnë Serbinë në tavolinën e negociatave, në një far forme duke i ofruar më shumë si ta themi incentiva që të jenë pjesë e dialogut dhe që të mos heqin dorë që në fillim nga tavolina e bisedimeve”, ka thënë Fetahu.
Njohësi i çështjeve politike, Melazim Koci, thotë se asociacioni nuk do të hiqet si kërkesë nga ndërkombëtarët, por sipas tij, Kosova duhet ta themeloj në këmbim të diçkaje.
“Për ta neutralizuar mendoj se është shumë e rëndësishme që Kosova të kërkojë si kompensim, si garancë, si siguri, anëtarësimin në NATO paralelisht. Paralelisht asociacioni pa kompetenca ekzekutive të kërkohet në NATO ose nëse kjo është e pamundur të kërkohen garanca për integritetin, garanca sigurie për integritetin territorial të Kosovës, nga Shtetet e Bashkuara dhe Britania e Madhe, Bashkimi Evropian një gjë të tillë nuk mund ta ofrojë, sepse është më e gjerë nuk ka koncenzues”, ka thënë ai.
Kosova dhe Serbia kanë nënshkruar një marrëveshje të parë të normalizimit në vitin 2013, ku bën pjesë edhe Asoiciacioni. Por, procedura nuk ka nisur asnjëherë për themelimin e tij.
Kronika e realizuar nga Valmir Gallopeni
