Janë arrestuar dy persona në Deçan për shkak se kishin sulmuar verbalisht dhe kanosur dy të tjerë.
Në raportin 24 orësh të Policisë së Kosovës po ashtu thuhet se në shtëpinë e të dyshuarve janë gjetur dhe sekuestruar një AK 47 pa leje, një pushkë e gjatë me leje, një pistoletë me leje si dhe 174 fishekë kalibrash të ndryshëm.
“Deçan / 03.01.2024 – 23:20. Janë arrestuar dy të dyshuar meshkuj kosovarë për shkak se i kishin sulmuar verbalisht dhe kanosur viktimat një mashkull dhe një femër kosovare. Gjatë kontrollit në shtëpinë e të dyshuarve janë gjetur dhe sekuestruar një AK 47 pa leje, një pushkë e gjatë me leje, një pistoletë me leje si dhe 174 fishekë kalibrash të ndryshëm. Me vendim të prokurorit, të dyshuarit pas intervistimit janë dërguar në mbajtje.”, thonë nga PK.
