Një qytetar është arrestuar pasi dyshohet se gjatë diskutimit të planit rregullues në një lagje të kryeqytetit, kishte kërcënuar kryetarin dhe kryesuesin e Kuvendit Komunal të Prishtinës, raporton teve1.info
Sipas njoftimit të Policisë, i dyshuari, pas intervistimit, me vendim të prokurorit është dërguar në mbajtje.
“Komuna e Prishtinë 08.05.2024 – 15:00. Më 23.05.2024 pas hetimeve të zhvilluara është arrestuar i dyshuari mashkull kosovar me dyshimin se i njëjti gjatë zhvillimit të një diskutimi lidhur me planin rregullues të një lagjeje të kryeqytetit, kishte kanosur dy zyrtarë të KK Prishtinë (kryetarin dhe kryesuesin e Kuvendit Komunal). I dyshuari pas intervistimit me vendim të prokurorit është dërguar në mbajtje”, thuhet në njoftimin e Policisë.
