Këtë deklaratë Kërçeli e ka bërë pasi dje Vuçiqi u betua edhe për një mandat në krye të Serbisë, ku gjatë fjalës së tij tha se do të përkujdeset për ruajtjen e sovranitetit të vendit të tij, teksa përfshiu edhe Kosovën si pjesë të saj.
Sipas Kërçelit, Vuçiqi për tri mandate sa është në pushtet nuk e ka larguar asnjëherë nga kushtetuta e vendit të tij pikën për Kosovën.
“Presidenti i Serbisë për tri mandate sa është në pushtet nuk e largoi asnjëherë nga kushtetuta e vendit te tij pikën për Kosovën. I njëjti tani, për mandatin e ri betohet mbi premtimin që nga Kosova nuk do heqin dorë. Dhe po i njëjti, në ditët kur e gjithë bota vendos sanksione ndaj Rusisë, ai nënshkruan marrëveshje për blerje gazi, faktikisht marrëveshje për mbështetje të luftës edhe nga ana financiare”, ka shkruar ai në një postim në Facebook.
Ai thotë se Kosova është e pavarur me qeveri të pakorruptuar dhe aleate me perëndimin.
“Kot e ka, Kosova është e pavarur, është demokratike, me qeveri të pakorruptuar, dhe aleate me perëndimin”, tha më tej Kërçeli. /teve1.info/