Dy persona janë lënduar mbrëmë në Gjakovë si pasojë e këputjes së kabllove të ashensorit në një objekt banesor në këtë komunë.
Zëdhënësi i Policisë për Rajonin e Gjakovës, Sheremet Elezaj ka thënë për teve1.info se Policia menjëherë ka dalë në vend të ngjarjes, teksa theksoi se me këtë rast është arrestuar një person.
“Mbrëmë me datë 07.09.2023 rreth orës 21:15 në rrugën “Xhevat Hoxha” në Gjakovë dy persona kanë pësuar lëndime trupore derisa kishin qenë në një ashensor të një objekti banimi. Policia menjëherë ka dalë në vendin e ngjarjes ku dyshohet se kabllot që mbajnë ashensorin janë këputur dhe për pasojë ashensori ka rënë, përderisa viktimat e rastit kanë qenë brenda. Lidhur me rastin është arrestuar një person dhe me vendim të prokurorit të shtetit të njëjtit i është caktuar masa e ndalimit policor.”, tha ai./teve1.info./
