Kjo strategji sipas njohësit të fushës së energjisë, Visar Kelmendi, është shumë ambicioze dhe e duhur. Por sipas tij sfidë mbetet zbatimi i saj.
Ai në emisioni Ditari” në Tëvë1, tha se nëse arrihet të zbatohet kjo strategji Kosova do të ngritët si shtet në një nivel krejt tjetër.
“Strategjia është shumë e mirë, mirëpo implementimi është ana tjetër. Në implemtim të kësaj strategjie ku me bollëk ka burime të energjisë së ripërtitshme duhet të krijohen kushtet favorizues për investitorë… Strategjia është shumë e mirë është tejet ambicioze dhe nëse realizohet si tanësi ka me na ngritë si shtet në një nivel krejt tjetër, kemi me pas siguri energjetike si shtet, gjë e cila është synim i çdo shteti”, ka thënë ai.
Ministrja e Ekonomisë, Artane Rizvanolli, gjatë prezantimit të Strategjisë Energjetike për vitin 2022-2031, kishte thënë se strategjia në fjalë parasheh investim në termocentralin “Kosova B”, në atë mënyrë që të rritet efiçienca e saj, për të prodhuar kësisoj sasi më të madhe të energjisë elektrike.
Përveç termocentralit “Kosova B”, Rizvanolli ka njoftuar se strategjia në fjalë parasheh edhe rivitalizimin e termocentralit “Kosova A”, procedura e cila, sipas saj, do të nisë sa më shpejt që është e mundur.
“Do të punojmë për të ndërtuar kapacitete të reja me burime të ripërtëritshme të energjisë nga dielli dhe nga era, në mënyrë që nga viti 2028 njësitë e rivitalizuara të Kosovës A të kenë nevojë të punojnë vetëm gjatë muajve të dimrit”, ishte shprehur ajo./
