Korporata Energjetike e Kosovës ka njoftuar se njësia A3 e Termocentralit Kosova A do të ndalet nga puna sonte, më 08 prill në orën 23:59, për shkak të sic thuhet problemeve të ndjeshme me humbje të ujit.
Në njoftim thuhet se ndalja e kësaj njësie deri në verifikimin e plotë të gjendjes është e nevojshme për të parandaluar ndonjë defekt të mundshëm më të madh.
Në lidhje me këtë, sipas KEK-ut është njoftuar me kohë Kompanina e Distribuimit të Energjisë Elektrike, si dhe bëhet e ditur se janë marrë masa që kapacitetet e njësisë A3 të mos nominohen për ditën e nesërme.
“Ekipet tona të ekspertëve janë në gatishmëri për të identifikuar dhe sanuar çdo defekt që mund të jetë shkaktar i këtij problemi, sapo të krijohen kushtet (pas ftohjes së njësisë), për të rikthyer njësinë në funksion në kohë optimale. Për çdo informacion të mëtejshëm dhe për kohēn e rikthimit të njësisë A3, do t’ju njoftojmë me kohë”, thuhet në njoftim./teve1.info/
