Distributori për furnizim dhe shpërndarje të energjisë elektrike KEDS, ka njoftuar se ka zënë 600 persona duke vjedhë rrymën gjatë muajit nëntor, raporton teve1.info
Sipas një njoftimi në faqen zyrtare në Facebook, gjatë këtij muaji janë realizuar afër 8 mijë e 500 kontrolle nga të cilat janë gjetur 600 veta duke e vjedh energjinë.
“Se KEDS e ka përnjëmend në luftimin e kësaj dukurie deri tek identifikimi i rastit të fundit, tregojnë faktet në terren.
Ekipet e kontrollit të KEDS-it të shpërndarë gjithandej Kosovës vetëm gjatë muajit nëntor kanë realizuar afër 8,500 kontrolle, prej të cilave më shumë se 600 sosh janë zënë në vepër duke e vjedhë energjinë elektrike.
Personat që zihen duke vjedhur energjinë elektrike faturohen për rikthim të humbjeve (energjisë së vjedhur të shfrytëzuar ilegalisht), si dhe mund të dënohen nga gjykata në bazë të ligjeve në fuqi”, thuhet në njoftimin e KEDS-it.
