Kean: S’duhet ta harrojmë se Kosova është partnere e rëndësishme e SHBA-së

Kryetari i Komitetit për Punë të Jashtme të Dhomës së Përfaqësuesve në Shtetet e Bashkuara, Tom Kean, ka thënë se nuk duhet të harrohet se Kosova është partnere e rëndësishme e Shteteve të Bashkuara të Amerikës.

Kean ka shprehur shqetësimin për mosimplementimin e Asociacionit të komunave me shumicë serbe, duke shtuar se duhet të formohet por duke u siguruar se nuk do të minohet autoriteti i Qeverisë me krijimin e saj.

“Ne nuk duhet të harrojmë faktin se pavarësisht mosmarrëveshjeve për qasjen aktuale të qeverisë ndaj Serbisë, Kosova është një partner i rëndësishëm i SHBA-së. Për shembull Kosova është partnerja e parë që ka ofruar strehim për refugjatët afganë”, ka thënë Kean në diskutimin e këtij komitetin për Ballkanin Perëndimor.