Kampionia e Kosovës në basketboll, Trepça synon të debutoj me fitore në kualifikimet e Ligës së Kampionëve.
Trepça për herë të parë po paraqitet në kualifikimet e Championsit dhe po shpreson të jetë ekipi i parë nga Kosova që do të kualifikohet në fazën e grupeve të kësaj gare.
Kualifikimin në fazën grupore, Trepça po kërkon ta siguroj në Antalia të Turqisë, ku edhe do të mbahet turneu kualifikues, i cili përhet nga çerekfinalja, gjysmëfinalja dhe finalja.
Pra, Trepça duhet të eliminoj tre kundërshtar për të kualifikuar në stinorin e rregullt të Ligës së Kampionëve, pasi vetëm fituesi i turneut avancon tutje.
Ndeshjen e parë apo çerekfinalen, Trepça e luan të mërkurën prej orës 13:00 ku do të përballet me Kervanosin e Qipros.
Nëse e kalon këtë pengesë, atëherë Trepça shkon në gjysmëfinale për ta kërkuar finalen dhe kualifikimin pastaj.
Në rast të eliminimit, Trepça vazhdon garat evropiane në FIBA Europe Cup, ku sezonin e shkuar luajti në fazën e grupeve.
Trepça bëhet ekipi i katërt kosovar që synon kualifikimin në grupet e Championsit pas Sigal Prishtinës, Golden Eagle Yllit dhe Pejës, ndërsa pretendon të jetë i parë që ka arritur një sukses të tillë, i cili do të vlerësohej historik.
