Kampionia e Kosovës në basketboll, Trepça, sot, edhe zyrtarisht nis rrugëtimin evropian për sezonin 2025/26.
Prej orës 20:00 në Samokov të Bullgarisë, Trepça përballet me kampionin e Holandës, Heroes Den Bosch në ndeshjen çerekfinale të kualifikimeve për Ligën e Kampionëve.
Kjo vlerësohet të jetë një përballje e vështirë për Trepçën, ekip që kërkon suksesin historik, kualifikimin në fazën e grupeve të Championsit.
Për të siguruar grupet, Trepça duhet ti fitojë tri ndeshje në turneun kualifikues që mbahet në Bullgari.
24 skuadra do të garojnë në tre turne të raundit kualifikues, ndërsa nëse Trepça mposht kundërshtarin nga Holanda, atëherë në gjysmëfinale do të përballet me fituesin e çerekfinales tjetër, Bakken Bears nga Danimarka dhe BC Kutaisi nga Gjeorgjia.
Trepça është përgatitur mirë dhe forcuar dukshëm për sezonin e ri, ku krahas vendorëve si Drilon Hajrizi, Dardan Kapiti, Mikaile Tmushiq e Batin Tuna që i ka mbajtur në ekip, është përforcuar edhe me lojtarë të huaj.
Në mesin e përforcimeve të huaja, është edhe qendra amerikane Shaën Jones që ka pasaportë të Kosovës, ndërsa të tjerët janë Adnan Arslanagiq, Chad Broën, Cedric Russell, Mustapha Amzil e JaCori Payne.
Kjo është hera e dytë për ekipin nga Mitrovica që paraqitet në kualifikimet e Championsit dhe nëse nuk i fiton të trija ndeshjet, atëherë garat evropiane i vazhdon në FIBA Europe Cup sikurse sezonin e shkuar.
