Amerikani Cedric Russell është përforcimi i huaj i radhës te KB Trepça për sezonin 2025/26.
Kampionia e Kosovës, të enjten e ka zyrtarizuar Russellin, i cili luan në pozitat 1 dhe 2, e që po vlerësohet si përforcim i rëndësishëm për sezonin e ri.
Së fundmi, Russell ka luajtur në Austri te skuadra Traiskirchen Lions, ku në 29 paraqitje të luajtura ka pasur një mesatare prej 17, pikëve, 4 kërcimeve dhe 3 asistimeve për ndeshje.
Basketbollisti i gjatë 188 centimetra ka luajtur edhe në ligën ABA 2 me ekipin nga Maqedonia e Veriut, MZT Skopje kurse karrierë ka pasur edhe në NCAA me kolegjet Louisiana e Ohio State.
Russell është përforcimi i katërt i huaj te Trepça, me përjashtim të qendrës Shaën Jones që është i pajisur me pasaportë të Kosovës.
Për sezonin e ri, Trepça tashmë ka angazhuar edhe amerikanin JaCori Payne dhe finlandezin Mustapha Amzil.
