Të enjten do të zhvillohet ndeshja e pestë finale mes Trepçës dhe Pejës në palestrën sportive “Minatori”, nga ora 20:00. Ndeshja pritet të jetë tejet interesante për faktin se skuadra fituese do të shpallet edhe kampione e Kosovës për këtë sezon. KB Peja ka njoftuar se për këtë ndeshje do të ketë organizim edhe në shtëpinë e tyre, në palestrën “Karagaçi”.
Si Peja, ashtu edhe Trepça, janë në kërkim të titullit të kampionit pas një dekade. Peja për herë të fundit ishte shpallur kampione në vitin 2013, kurse Trepça më 2012.
