KB Peja ka konfirmuar paraqitjen në FIBA Europe Cup për sezonin 2024/25 por rrugëtimin do ta nis nga kualifikime për ta siguruar pjesëmarrjen në grupe.
Të mërkurën, FIBA ka konfirmuar të gjitha skuadrat, ku 14 prej tyre nëpërmjet kualifikimeve do ta kërkojnë kalimin në fazën grupore të kësaj gare.
Peja kundërshtarin do ta mësoj më datën 19 korrik ndërsa pritet të ketë punë me njërën mes ekipeve si Charleroi i Belgjikës, Dinamo Zagreb i Kroacisë, Maroussi i Greqisë, Neptunas i Lituanisë, Starlites i Polonisë, Constanta e Rumanisë dhe Prievidza e Sllovakisë.
Peja në këto kualifikime do t’i luajë dy ndeshje, një në shtëpi dhe një në udhëtim për një vend në fazën e grupeve, në të cilën u paraqit sezonin e shkuar.
Këto ndeshje do të zhvillohen në muajin shtator, saktësisht më datat 23 dhe 27. Në sezonin 2023/24, Peja regjistroi dy fitore në grupe por nuk arriti të avancoj tutje në FIBA Europe Cup.
Krahas Pejës, në sezonin e ri në garat e FIBA-s do të paraqitet edhe Trepça, e cila si kampione do të luaj në kualifikimet e Ligës së Kampionëve. Në rrethin e parë kualifikues, Trepça do të përballet me Kervanosin e Qipros.
