Basketbollisti amerikan, Skyler Flatten është përforcimi i radhës te skuadra e Pejës për sezonin e ri në Superligën e Kosovës.
Flatten, i gjatë 198 centimetra, luan në pozitën 3 dhe do ti bashkohet Pejës më datën 25 gusht kur edhe nisin përgatitjet për sezonin e ri.
Ai me Pejën ka firmosur kontratë njëvjeçare dhe po vlerësohet si përforcim i rëndësishëm, duke pasur parasysh se ka luajtur në Suedi, Turqi, Danimarkë e Greqi.
Sezonin e fundit, Flatten karrierë ka bërë në Katar dhe ka luajtur me një mesatare prej 20 pikëve, 4 kërcimeve e po aq asistimeve për ndeshje.
Flatten është përforcimi i gjashtë te KB Peja para fillimit të sezonit të ri, pasi para tij ekipi nga angazhuar edhe amerikanët Dequan Morris, Tajh Green e Malcolm Armstead që posedon pasaportë kosovare.
Pjesë e Pejës për sezonin e ri, do të jenë edhe Edward Beqiri e Musab Mala kurse ekipit do ti prijë trajneri amerikan Greg Gibson.
