Basketbollistët e Bashkimit po i kryejnë përgatitjet e fundit para garave evropiane, në të cilat do të paraqiten për herë të parë.
Nënkampioni i Kosovës është gati për debutim evropian të mërkurën mbrëma kur do të përballet me ekipin e njohur nga Polonia, Anwil Wloclawek.
Ndeshja e parë, do të luhet prej orës 19:00 në palestrën “Sezai Surroi” kurse ajo e kthimit pas pak ditësh në Poloni, dhe i takon kualifikimeve për FIBA Europe Cup.
Atmosfera pritet të jetë e zjarrtë në palestër, pasi Bashkimi pret përkrahjen e madhe të tifozëve kundër polakëve.
Po ashtu, Bashkimi gjatë fazës përgatitore ka treguar formë të mirë duke i fituar të gjitha ndeshjet kontrolluese.
Krahas Bashkimit, në kualifikimeve të garave të FIBA-s, paraqitet edhe Trepça që synon suksesin në Ligën e Kampionëve, ndërsa Sigal Prishtina e Peja do të luajnë në Ligën ENBL.
