Znj. Presidente Kuadratet e Ushtrisë së Kosovës janë rreshtuar në nderim të “Epopesë së UÇK-së” raporton gjeneral brigade Ilir Qeriqi.
Menjëherë, komandantja supreme e Forcës së Sigurisë, Vjosa Osmani e shoqëruar me Komandantin Bashkim Jashari filluan marshin para ushtarëve.
Këtë parakalim për nder të 5,6 dhe 7 marsit të Epopesë Çlirimtare të Kosovës në kazermën “Adem Jashari” po e ndiqnin krerët e shtetit si dhe Rifat Jashari, përfaqësues i familjes heroike Jashari.
Të gjithë ata bashkë, ecën drejt kazermës për nderime pranë Obeliskut të lirisë.
E atje, pati edhe të shtëna nderi në nderim të dëshmorëve, martirëve e gjithë të rënëve.
Pa këta u tha se nuk do të kishte liri. E për këtë të fundit familja Jashari në Prekaz dha gjithçka.
Në këtë datë të shënuar për shtetin, kryeministri Kurti kujtoi se sa e fortë dhe e trajnuar është ushtria e Kosovës sot.
Në këtë manifestim, u intonua himni i Kosovës dhe ai kombëtar.
Madje, ushtarët i kënduan edhe Adem Jasharit.
Të mërkurën, pati edhe pjesë artistike nga Orkestra Frymore e FSK-së.
Manifestimi u mbyll me pyetje në drejtim të Ushtarëve.
Në fund Komandanti i paradës kush jemi ne?
Kuadratet ushtria e Kosovës / shumë mirë i shërbejmë atdheut.
