Katy Perry dhe Orlando Bloom thuhet se i kanë dhënë fund fejesës dhe marrëdhënies së tyre pas pothuajse tetë vitesh lidhje.
Sipas “TMZ”, aktori i njohur nga “Pirates of the Caribbean” pritet të shfaqet si “burrë beqar” në dasmën e Jeff Bezos dhe Lauren Sanchez që do të zhvillohet së shpejti në Venecia, ndërsa këngëtarja e hitit “Woman’s World” nuk pritet të marrë pjesë, pasi ndodhet në mes të turneut të saj botëror.
Raportimet vijnë pasi çifti, që deri vonë dukej i lidhur fort, kanë kaluar më shumë kohë të ndarë.
Në maj, gjatë një koncerti në Las Vegas, Perry kishte bërë shaka me një fans që i kishte shkruar Bloom, duke e quajtur veten “gruaja e tij”.
Por një burim i cituar nga “Us Weekly” tregon se marrëdhënia e tyre është përballur me vështirësi prej kohësh.
Së fundmi, Bloom ka ndezur edhe më tej dyshimet, duke prezantuar publikisht “kafshën e tij mbështetëse emocionale” dhe duke pranuar se po kalon një periudhë të ndjeshme, mes zërave për prishjen e fejesës.
Kujtojmë që dyshja nisi romancën në 2016, u ndanë një vit më pas, u ribashkuan në 2018 dhe u fejuan në 2019.
Në vitin 2020 ata u bënë prindër të vajzës së tyre, Daisy Dove Bloom. Deri tani, as Perry dhe as Bloom nuk kanë bërë deklarata publike lidhur me ndarjen.
