Katër persona kanë mbetur të lënduar si pasojë e një aksidenti që ka ndodhur rreth orës 18:30 në fshatin Zabel i Ulët, në Komunën e Drenasit.
Zëdhënësja e Policisë për Rajonin e Prishtinës, Flora Ahmeti, ka bërë të ditur për tëvë1.info se në aksident kanë qenë të përfshira tri automjete.
Sipas saj, të lënduarit janë dërguar për trajtim mjekësor, ndërkohë që me rastin po merret njësiti rajonal i trafikut.
“Sot rreth orës 18:30, në fshatin Zabel i Ulët në Drenas, ka ndodhur një aksident trafiku ku janë përfshirë tri automjete. Bazuar në të dhënat fillestare, si pasojë e aksidentit katër persona janë lënduar. Personat e lënduar janë dërguar për trajtim mjekësor, ndërkohë që me rastin po merret njësiti i trafikut rajonal”, ka deklaruar Ahmeti./teve1.info/
