Një zjarr ka shpërthyer pasditen e sotme në Shtime, që për pasojë ka lënë të lënduar katër persona.
Ndërkohë që në vendin e ngjarjes përveç zjarrfikësve dhe policisë, prezentë është edhe autoambulanca.
Kështu ka bërë të ditur zëdhënësi i Policisë për rajonin e Ferizajt, Kanun Veseli, i cili bëri të ditur se deri tani, janë përfshirë një shtëpi e vjetër dhe një veturë.
“Rreth orës 14:00, në lagjen “Pajtimi”në Shtime është paraqitur një zjarr fushor, i cili për shkak të erës së fortë është përhapur me shpejtësi. Zjarri, i cili ndodhet afër shtëpive të banimit, paraqet rrezik. Deri tani është përfshirë një shtëpi e vjetër dhe një veturë. Në vendngjarje ndodhen ekipet e zjarrfikësve të Shtimes, të cilët po punojnë për shuarjen e zjarrit me ndihmën edhe të banorëve të lagjes. Deri në këtë moment është raportuar për katër persona të lënduar lehtë. Në zonën e rrezikuar ndodhet edhe një autoambulancë. Policia është në vendin e ngjarjes dhe menaxhmenti i saj është duke i koordinuar aktivitetet me autoritetet komunale”, tha Veseli. /teve1.info/
