Katër persona kanë pësuar lëndime trupore, si pasojë e një aksidenti që ka ndodhur mbrëmjen e sotme në rrugën “B” në Prishtinë.
Zëdhënësja e Policisë për rajonin e Prishtinës, Flora Ahmeti, ka bërë të ditur se në aksident janë përfshirë tri vetura.
“Sot rreth orës 20:30 kemi pranuar informatën se në rrugën B në Prishtinë ka ndodhur një aksident trafiku me lëndime. Në këtë aksident kanë qenë të përfshira tri automjete. Si pasojë e aksidentit janë lënduar katër persona,” ka deklaruar Ahmeti.
Ndërkohë, bëri të ditur se me rastin po merret njësiti i trafikut të kryeqytetit, i cili ka dalë në vendin e ngjarjes për të kryer veprimet e nevojshme hetimore dhe për të sqaruar shkaqet që çuan në aksidentin e sotëm./teve1.info/
