Katër persona janë lënduar si pasojë e një aksidenti mes gjashtë veturave, pasditen e sotme në rrugën nacionale Prishtinë-Pejë, saktësisht në Bresje.
Të lënduarit kanë kërkuar ndihmë mjekësore, ndërkohë që njësitë relevante të Policisë së Kosovës janë duke u marrë me procedurat hetimore.
“Rreth orës 18:15, policia është njoftuar për një aksident trafiku të ndodhur në rrugën nacionale Prishtinë-Pejë (Bresje-F.Kosovë). Njësia e trafikut njofton se në aksident janë përfshirë gjashtë vetura. Si pasojë e aksidentit katër persona kanë kërkuar ndihmë mjekësore. Njësitet policore janë marrë me procedurat lidhur me aksidentin”, kanë bërë të ditur nga Policia e Kosovës për teve1.info.
