Policia e Kosovës ka marrë informacion se një qytetar i Kosovës është thirr në telefon dhe është kërkuar që të votojë për një parti të caktuar dhe ndihmat sociale që i pranon nga sistemi i Serbisë do të ndërpriten.
Kështu ka bërë të ditur për tëvë1, zëvendësdrejtori për rajonin e Mitrovicës së Veriut, Veton Elshani i cili ka thënë se thirrja dyshohet se ka ardhë nga qendra për punë sociale në Zubin Potok.
Tutje, sipas Elshanit pas bastisjes së këtij lokacioni janë gjet prova që ndërlidhen me veprën penale, ndërsa me këtë rast 4 gra janë dërguar në stacion të policisë si persona të dyshimtë në lidhje me veprën “Cenim i përcaktimit të lirë të votuesve”.
Pas intervistimit të tyre dhe diskutimit me Prokurorin kujdestar do të vendoset se si të veprohet tutje.
