Nga pesë vrasjet e fundit në Kosovë, katër të dyshuar janë në arrati.
Pavarësisht që janë shpallur në kërkim, ende nuk janë në duart e Policisë së Kosovës, Mefail Shkodra me dy djemtë e tij Edonisin dhe Engjullin që dyshohen për vrasjen e trefishtë në Gjilan.
Si këta, në kërkim është edhe i dyshuari për vrasjen në Hajvali, Xhemail Nuhiu.
Njëra nga mundësitë për strehim të tyre, sipas ekspertëve të sigurisë, po dyshohet të jetë ikja jashtë Kosovës, në Serbi.
Por pse është Lugina, opsion për të arratisurit?
Islami thotë se mos bashkëpunimi me Serbinë bënë që të mos ndjekjen penalisht atje.
E departamenti i kufirit të Kosovës në kuadër të Policisë thonë se kanë 16 pika të kalimit kufitar dhe 12 stacione policore që mbikëqyrin kufirin.
Prej tyre, 6 janë pika që lidhin me Serbinë.
Drejtoria që ka nën kontroll pjesën më të madhe të kufirit shtetëror me Serbinë është Drejtoria Rajonale Kufitare “Veriu” Lluzhan.
- Merdare,
• Jarinje,
• Bernjak,
• Mutivodë.
Si dhe stacionet policore për mbikëqyrje të kufirit:
- Keqekollë,
• Kërpimeh,
• Leposaviq,
• Zubin Potok.
Përveç tyre, edhe dy pika me Serbinë i lidhë Drejtoria Rajonale Kufitare “Lindje” Kaqanik
Ajo e mbikëqyr pjesën e dy pikë kalimeve kufitare që e lidhin Kosovën dhe Preshevën dhe Bujanocit, atë të Muçibabës dhe Dheut të Bardhë.
Departamenti i Kufirit tregojnë edhe çfarë modeli aplikojnë në këto pikë kalime.
“Si model të policimit Departamenti për Kufi, aplikon policimin e mbikëqyrjes dhe kontrollit të kufirit përmes vëzhgimit, identifikimit dhe pastaj reagimit. Departamenti për Kufi do të aplikojë sistemin e sigurimit të bazuar në informata inteligjente, mbi lëvizjen e krimit dhe analizën e rrezikut. Zgjedhja e këtij modeli të policimit vjen si rrjedhojë e kërkesave në rritje të qytetarëve për një cilësi më të mirë të shërbimit, si dhe nga përvojat e suksesshme të organizatave policore homologe të vendeve të Bashkësisë Evropiane”, thuhet në reagimin e PK-së.
Në mes Kosovës dhe Serbisë, ka edhe pika kufitare që janë ende të pa hapura për kalim.
Njëra nga to është pika kufitare në “KAPI” që e lidhë Kamenicën dhe Medvegjën.
Për këtë çështje televizioni ka pyetur edhe Mininistrinë e Punëve të Brendshme, por të njëjtit nuk kanë kthyer përgjigje.
