Ministri në detyrë i Mbrojtjes , Ejup Maqedonci ka marrë pjesë në ceremoninë e fundit të akademisë ushtarake trevjeçare në Republikën Federale të Gjermanisë të katër kadetëve të FSK-së.
Maqedonci ka njoftuar se oficerët e rinj të FSK-së që diplomuan me sukses të lartë janë: Nëntoger Shumëzim Karaqica, Nëntoger Arton Xhemajli në drejtimin ushtarak Logjistikë, Nëntoger Xheladin Kurtaj dhe Nëntoger Fatlum Agushi.
“Bashkëpunimi midis Republikës së Kosovës dhe Republikës Federale të Gjermanisë gjatë viteve, ka luajtur një rol vendimtar në forcimin e kapaciteteve dhe profesionalizmit të Forcës së Sigurisë së Kosovës. Oficerët e diplomuar bashkohen me trupën e oficerëve të FSK-së, të përgatitur, të aftë dhe të denjë për të udhëhequr trupat tona me nder, integritet dhe përkushtim”, ka shkruar Maqedonci./teve1.info/
