Katari i bëri thirrje Iranit të ndalojë sulmet ndaj fqinjëve të tij, duke thënë se Teherani po sulmon vendet e Gjirit “pa asnjë arsye”.
“Irani duhet të ndalojë menjëherë sulmet në mënyrë që të mund të gjendet një zgjidhje diplomatike për krizën”, tha zëdhënësi i Ministrisë së Jashtme, Majed al-Ansari, gjatë një konference për media në Doha.
Ai tha se vendet e Gjirit nuk janë pjesë e konfliktit aktual. “Ndalimi i sulmeve kërkon një vendim nga ministri i Jashtëm i Iranit, dhe Katari do të mbrojë veten”, shtoi ai.
“Kontaktet vazhdojnë ende me vendet e Gjirit për të siguruar uljen e tensioneve dhe përballimin e sulmeve të Iranit”, përfundoi zëdhënësi./AA/
