Katari ka dënuar ashpër sulmin izraelit në Spitalin Al-Ahli, spitali i fundit funksional në veri të Gazës, duke e quajtur një “masakër të tmerrshme dhe një krim kundër civilëve” që përbën një shkelje të rëndë të ligjit ndërkombëtar humanitar.
Ministria e Punëve të Jashtme të Katarit paralajmëroi për kolapsin e sistemit shëndetësor në Gaza dhe zgjerimin e ciklit të dhunës në të gjithë rajonin.
Ata thanë se komuniteti ndërkombëtar duhet të marrë përgjegjësitë e tij në mbrojtjen e civilëve.
Ata poashtu ripohuarn mbështetjen e tyre për krijimin e një shteti të pavarur palestinez sipas kufinjëve të vitit 1967, me Jerusalemin lindor si kryeqytet.
Ushtria izraelite dhe Shin Bet kanë marrë përsipër përgjegjësinë për goditjen e spitalit, duke thënë se një tjetër qendër “komandimi dhe kontrolli” për Hamasin u godit, pa dhënë ndonjë evidencë për pohimin, raporton Al Jazeera.
Kisha Baptiste në Jerusalem dhe Lindjen e Mesme ka lëshuar një deklaratë ku ka thënë se është “e tmerruar” nga sulmi në spitalin Baptist në mëngjesin e të Dielës së Pashkëve dhe fillimit të javës së shenjtë.
Ata u kanë bërë thirrje të gjitha qeverive dhe njerëzve të vullnetit të mirë të ndërhyjnë për të ndaluar sulmet në institucionet mjekësore dhe humanitare.
