Duke folur në seancën hapëse të këshillit Shura, këshillit legjislativ të Katarit, Emir Sheikh Tamim bin Hamad Al Thani akuzoi Izraelin për shkelje të armëpushimit 11-ditor.
“Ajo që ka ndodh në Gaza përgjatë dy viteve, nuk është asgjë më pak sesa një gjenocid, dhe kjo fjalë i përmbledh të gjitha mizoritë që kanë ndodhur aty. Ne përsërisim dënimin tonë për të gjitha shkeljet dhe praktikat izraelite në Palestinë , veçanërisht transformimin e Rripit të Gazës në një zonë të pabanueshme, shkeljen e vazhdueshme të armëpushimit, zgjerimin e kolonive në Bregun Perëndimor dhe sulmin ndaj kompleksit të xhamisë Al- Aksa”, tha ai.
“Është për të ardhur keq që bashkësia ndërkombëtare mbetet e paaftë të imponojë respekt kur bëhet fjalë për tragjedinë e popullit palestinez.”
Agjencia palestineze e lajmeve tha se Izraeli e ka shkelur armëpushimin 80 herë dhe ka vrarë të paktën 80 palestinezë që kur marrëveshja hyri në fuqi.
Katari, një aleat i ngushtë i SHBA-së, kishte qenë mikpritës i negociatave që synonin sigurimin e një armëpushimi në luftën e Izraelit në Gaza .
Pavarësisht sulmit vdekjeprurës në kryeqytetin e tij, ai vazhdon të luajë një rol kyç si ndërmjetës, megjithëse marrëdhëniet me Izraelin janë jashtëzakonisht të tensionuara.
