Disa qytetarë i janë bashkuar iniciativës për bojkotimin e supermarketeve si rrjedhojë e rritjes së vazhdueshme të çmimeve.
Themeluesi i iniciativës, Xhevat Kastrati, ka thënë se kjo iniciative ka pasur përkrahje të madhe dhe do të vazhdojnë kështu.
Tutje, ai tha se kanë parë që ka manipulime të shumta me çmime.
“Tash kemi mbi 6 mijë anëtar në Facebook dhe së paku këta do të respektojnë iniciativën. Gjithashtu në instagramin kemi arritje mbi 200 mijë njerëz përmes zotimeve tona dhe mijëra shpërndarje. E kemi parë që disa nga produktet kanë çmimin e njëjtë me vendet e Evropës që kanë standardin shumëfishë më të lartë së ne dhe kjo mendoj që duhet të jetë reflektim për secilin qytetarë sepse nuk besoj që është zgjidhje me vazhdu kështu. Kemi parë po ashtu në grup që ka manipulime të shumta me çmime dhe besojmë që ka çmime spekulative”, ka deklaruar ai në emisionin “Ditari” në Tëvë1.
Kujtojmë se të zemëruar nga rritja e vazhdueshme e çmimeve, qytetarë të disa vendeve të Ballkanit Perëndimor në fund të janarit u ftuan t’i bojkotojnë blerjet në disa dyqane të mëdha ushqimore.
