Përfaqësuesja e Lartë e Bashkimit Evropian për Politikë të Jashtme dhe Siguri, Kaja Kallas do të vizitojë rajonin nga 21 deri më 23 maj.
Mirëpo, analisti Afrim Kasapolli vizitën e Kallas në Kosovë e sheh me mision të paqartë për shkak të siç ka thënë disa deklaratave të deritanishme të saj.
Megjithatë, sipas tij mbetet të shihet pas takimeve se cila nga këto deklarata do të jetë në fokus të diskutimeve të saj me përfaqësuesit e Kosovës dhe Serbisë.
“Nëse i kushtojmë vëmendje disa prej deklaratave të saj të deritanishme mbetet e paqartë se me çfarë misioni konkret ajo do ta vizitoj Kosovën për shkak se me një rast konkret ajo ka deklaruar se mbase ja vlen të shikohet edhe ndonjë variant tjetër përpos dialogut në funksion të normalizimit të marrëdhënieve ndërmjet Kosovës dhe Serbisë. E dyta e ka pranuar se deri më tani në këtë proces kanë ndodhur disa gabime dhe si Zyre për Politikë të Jashtme të Bashkimit Evropian do të merren në masë të madhe me detektimin dhe angazhimin për të korigjuar gabimet që kanë ndodhur në procesin e dialogut apo vjen thjesht për t’iu bërë thirrje që palët të kthehen në tavolinë të bisedimeve me qëllim të fillimit të zbatimit të obligimeve që dalin nga këto marrëveshje”, është shprehur ai në emisionin “Ditari” në Tëvë1.
