Basketbollisti i Kombëtares së Kosovës, Dardan Kapiti nuk do të largohet nga Trepça, të paktën deri në vitin 2027.
Klubi nga Mitrovica, që bën gara në Superligën e Kosovës, ka bërë të ditur të martën se Kapiti e ka vazhduar kontratën me Trepçën edhe për dy vitet e ardhshme.
Kapiti, i cili luan në rolin e qendrës, vlerësohet lart nga Trepça, e në veçanti trajneri Adis Beqiragiq.
Këtë sezon, qendra i gjatë 208 cm, po luan me një mesatare prej prej 9 pikëve dhe 7 kërcimeve për ndeshje në Superligë.
24-vjeçari iu bashkua Trepçës në verën e vitit 2023 dhe sezonin e shkuar ka fituar gjithçka që mund të fitohet në basketbollin kosovar, përfshirë edhe Ligën Unike.
Me fanellën e Trepçës, Kapiti krahas Ligës Unike, e ka fituar një titull kampioni, Kupën dhe dy Superkupa të Kosovës.
