Kapiteni i Holandës, Virgil van Dijk paralajmëroi se “Tulipanët” duhet të përmirësohen shumë ose të përballen me eliminim në 1/8 e finales të Kampoionatit Evropian.
Mbrojtësi i Liverpoolit pranoi se Holanda mund të ketë mbivlerësuar cilësitë e saj pasi me vështirësi avancoi nga faza e grupeve.
Në ndeshjen e fundit të Grupit D, Holanda u mposht 3:2 nga Austria dhe përfundoi në pozitën e tretë me 4 pikë të tubuara dhe u kritikua shumë për paraqitjen e saj të dobët.
Në 1/8 e finales, Holanda do të përballet me Rumaninë kurse Van Dijk pret një reagim të fuqishëm të ekipit dhe kualifikim në çerekfinale të Evropianit.
Holanda të premten ka vazhduar përgatitjet për duelin me Rumaninë dhe Van Dijk ka insistuar se të gjithë lojtarët janë të motivuar.
Ndeshja Rumani – Holandë, do të luhet të martën prej orës 18:00.
