Një shtetas i Serbisë është kapur nga policia e Kosovës në Leposaviq, derisa po kontrabandonte pije alkoolike pa autorizim, raporton teve1.info
Sipas raportit policor, i dyshuari kishte të ngarkuar në mjetin e tij rreth 100 litra verë si dhe pemë dhe perime.
Rasti nga Policia është cilësuar si kalim i paautorizuar i kufirit dhe kontrabandim i mallrave, ndërsa malli është konfiskuar.
“Leposaviq, 25.07.2023-21:30. Njësia policore ka ndaluar automjetin me targa të Serbisë te cilin e drejtonte i dyshuari mashkull shtetas serb dhe gjatë kontrollimit në automjet janë vërejtur se kishte pije alkoolike (verë) rreth 100 litra, si dhe pemë e perime. Pas konsultimit me prokurorin kujdestar, i dyshuari është liruar në procedurë të rregullt, ndërsa automjeti me ngarkesën është dërguar në terminalin doganor”, thuhet në komunikatë.