Një person është shoqëruar në polici, pasi të njëjtit në veturë i është 10 pako të mbeshjellura të cilët dyshohet se kishin substancë narkotike e llojit marihuanë, ku secila pako përmbante rreth 100 gram apo gjithsej një (1) kg substancë narkotike.
Rasti ka ndodhur të hënën në rrugën “Zymer Haziri” në Vushtrri.
“Me datë 28.04.2025, rreth orës 18:00 policia në Vushtrri kishte pranuar një informacion se në rrugën “Zymer Haziri” në Vushtrri, një person po merrej me shitblerje të substancave narkotike. Njësitë policore menjëherë kanë shkuar në atë lokacion ku kanë hasur një automjet me targa vendore dhe pasi kanë arritur të identifikonin pronarin e automjetit, zyrtarët policor kanë kërkuar nga ai që të hapte automjetin me qëllim të kontrollit në të.
Pronari kishte refuzuar që ta hapte automjetin me arsyetimin se nuk e kishte çelësin mirëpo pasi policët kishin dyshime të bazuara se në automjet kishte të fshehura substanca narkotike, kanë konfiskuar automjetin ndërsa pronari është shoqëruar në stacionin policor. Personi i dyshuar E.F., 28 vjeçar, më pas kishte pranuar të hapte veturën ku zyrtarët policor kanë arritur të gjejnë në bagazhin e veturës 10 pako të mbeshjellura të cilët dyshohet se kishin substancë narkotike e llojit marihuanë, ku secila pako përmbante rreth 100 gram apo gjithsej një (1) kg substancë narkotike. Është njoftuar Njësia e hetimit të trafikimit të narkotikëve, të cilët se bashku me njësi policore te Stacionit Policor Vushtrri kanë shkuar në vendbanimin e personit të dyshuar për kontrolle të mëtejme”, thuhet në njoftimin e policisë.
