Policia e Kosovës ka sekuestruar mbi katër kilogramë substancë narkotike të llojit marihuanë, në objektin e ish-Kominatit Trepça.
Policia thotë se fillimisht njësia e DHTN-së pranuar informatën se në atë objekt brenda një dhome gjenden katër qese të mbështjella me ngjitës.
Sipas PK-së, substanca e dyshuar është konfiskuar dhe pesha e saj është 4,436 gramë.
Rreth kësaj ngjarje policia thotë se ende nuk ka të dyshuar, derisa rasti është ende në hetime.
“Ish objekti i Kombinatit Trepça, Trepçë 30.06.2023 – 15:00. Njësia e DHTN ka pranuar informatën se në ish e objektin e lartcekur në një dhomë gjenden katër qese të mbështjella me ngjitës. Në atë lokacion policia ka hasur në dy paketime që dyshohet se janë substanca narkotike e llojit marihuanë. Substanca e dyshuar është konfiskuar dhe pesha e saj është 4436 gramë. Për momentin nuk ka te dyshuar. Rasti është duke u hetuar”, thuhet në njoftimin e Policisë së Kosovës./teve1.info/
