Dogana e Kosovës ka njoftuar se në pikëkalimin kufitar të Vërmicës, është kapur sasi e produktit të çokollatës prej 1,370 kilogramësh.
Sipas njoftimit, vlera e saj është 1,712 euro, derisa afati i skadencës së saj ka qenë 26 tetor i këtij viti.
“Pas kontrollit të një ngarkese doganierët zbuluan se 1370 kilogramë çokollatë, me vlerë 1,712,68 euro) kishte afat të skadencës më 26 tetor 2023. Çokollata e skaduar u gjet e fshehur në mes të rimorkios, e përzier me mallin tjetër. Produktet e çokollatës së skaduar janë sekuestruar nga zyrtarët doganor dhe do të asgjësohen në përputhje me rregulloret në fuqi dhe bashkëpunim me agjesionin e ushqimeve derisa kompania importuese është gjobitur dhe po hetohet”, thuhet në njoftim.
Derisa thuhet se zyrtarët doganorë do të vazhdojnë të jenë vigjilentë në përpjekjet e tyre për të mbrojtur shëndetin dhe sigurinë publike./teve1.info./
