Kutitë me vota janë të vendosura në sallën “1 TETORI”, që është qendër numërimi në kryeqytet.
Mirëpo shumë pak prej tyre po numërohen nga vëzhguesit, pavarësisht që në terren të mërkurën u panë mbi dhjetë tavolina më komisionerë.
Krejt po për shkak të probleme teknike që komisionarët, thonë se po ballafaqohen.
Naser Gashi vëzhgues, i Lidhjes Demokratike të Kosovës, tregon për problemet që ka hasur nga mëngjesi në këtë qendër.
Gashi thotë se nëse vazhdon kështu, numërimi do të zgjasë mbi 6 muaj.
Që ka problem jo vetëm në Prishtinë po edhe në qendrat e tjera e tha edhe vet zëdhënësi i Komisionit Qendror Zgjedhor, Valmir Elezi.
Elezi tregoi se a do të ketë edhe rinumërim të votave.
Procesi i numërimit në Qendra Komunale të Numërimit nuk po ndodhë në të gjithë komunat paralelisht.
Derisa në komunën e Prishtinës kanë nisur të hënën, sipas KQZ-së, të mërkurën ka filluar nga ora 13 në Han të Elezit e nga ora 16:00 në Deçan, Gjakovë, Drenas, Gjilan, Fushë Kosovë, Kamenicë, Mitrovicë e Jugut, Skenderaj, Shtërpcë, Viti, Ranillug, Kllokot e Mitrovicë e Veriut.
Gjatë ditës, KQZ-ja ka ripërsëritur se integriteti i votës nuk është i cenuar dhe se pavarësisht vonesave që janë shkaktuar si pasojë e problemeve me platformën elektronike, rezultatet përfundimtare nga zgjedhjet e 9 shkurtit “do të jenë të sakta”.
