Sipas Policisë së Kosovës dyshohet se rasti ka ndodhur pas një mosmarrëveshje në trafik, ku ka qenë i përfshirë një shoferë i një autobusi i cili ka kanosur me armë zjarri shoferin e një veture.
Zëdhënësja e PK-së për rajonin e Prishtinës, Flora Ahmeti, ka thënë për teve1.info se rasti është duke u hetuar.
“Bazuar në të dhënat fillestare, dyshohet se pas një mosmarrëveshje në trafik, ngasësi i një autobusi, me armë zjarri ka kanosur palën tjetër (ngasësin e një veture). Lidhur me këtë rast, është sekuestruar një armë zjarri dhe në stacion policor janë shoqëruar palët e përfshira. Aktualisht janë duke u ndërmarrë verimet e nevojshme policore për të ndriçuar dhe sqaruar të gjitha rrethanat që kanë karakterizuar rastin”, ka thënë ajo.
Ndërsa, sipas faqes në Facebook, “Vrojtuesit e lagjes-Prishtinë”, në këtë rast ka qenë i përfshirë punjonjës të Trafikut Urban në Prishtinë, ku njëri nga ta ka kanosur me armë zjarri.
“Para pak çastesh, ne linjën e Trafiku Urban Prishtinë nr. 4 ka ndodhur një zënkë midis një shoferi te veture dhe punonjësve te autobusit. E gjitha ndodhi pas një keqkuptimi ne komunikacion, ku provokimi erdhi nga shoferi i autobusit duke bere qe shoferi i veturës ta ndal mjetin ne rruge dhe del nga vetura qe te konfrontohet me ta.Ne fjalosje e sipër, një nga personat ne autobus i cili ishte punonjës i trafikut urban ka nxjerrur armën të cilën e kishte mbushur me plumba”, thuhet në postimin e tyre./teve1.info/
