Policia e Kosovës ka arrestuar një person, pasi që i njëjti dyshohet se në gjendje të dehur ka fyer dhe kanosur dy zyrtarë policorë.
Ngjarja ka ndodhur pasditen e djeshme në Pejë, derisa është bërë e ditur se zyrtarët policorë kanë qenë gjatë kryerjes së detyrës.
Lidhur me rastin, me vendim të prokurorit i dyshuari është dërguar në mbajtje.
Njoftimi i Policisë së Kosovës:
KANOSJE NDAJ PERSONIT ZYRTAR/ Pejë 11.06.2023 – 04:20. Është arrestuar i dyshuari mashkull kosovar, pasi që në gjendje të dehur ka fyer dhe kanosur dy zyrtarë policorë, gjatë kryerjes së detyrës. Me vendim të prokurorit i dyshuari është dërguar në mbajtje./teve1.info/
