Kandidati i PDK-së për kryetar të komunës së Mitrovicës së veriut, Taulant Kelmendi, ka votuar në zgjedhjet lokale që janë duke u mbajtur atje.
Ai po ashtu ka bërë thirrje qytetarët që të dalin e të votojnë.
“Unë hyra dhe e shfrytëzova të drejtën time qytetare votova, dhe shpresoj dhe bëj thirrje te të gjithë qytetarët me të drejtë vote me dal dhe me votuar kandidatin për të cilin ata mendojnë se është më i mirë për ta”, tha ai.
Ndryshe, sot janë duke u mbajtur zgjedhjet e jashtëzakonshme për kryetarë në katër komunat në veri të vendit: Mitrovicë e Veriut, Leposaviq, Zubin Potok, e Zveçan, komuna këto të banuara me shumicë serbe.
Numri i qytetarëve me të drejtë vote në këto komuna është 45 mijë e 95, teksa për kryetarë garojnë 10 kandidatë, dhe vetëm një është nga komuniteti serb./teve1.info
