Ai në një konferencë për media së bashku me Kurtin, u shpreh se duhet të bëhet përparim në këtë drejtim.
“Përparimi duhet të bëhet edhe në liberalizimin e vizave për Kosovën. Qeveria federale e ka fiksuar këtë si objektivë në marrëveshjen e koalicionit për këtë angazhohemi në këmbëngulje në Bashkimin Evropian. Shumë e rëndësishme është bashkëpunimi rajonal në Ballkanin Perëndimor. Ka potencial për zhvillimin e gjithë rajonit”, tha Scholz.
Ai më tej, tha se me procesin e Berlinit, Gjermania ka vite që angazhohet në këtë drejtim dhe se këtë dëshiron ta bëjë së bashku me partnerët evropianë me një ftesë në Berlin që do të bëhet në gjysmën e dytë të vitit.
“Projekti aktual i 6 vendeve të Ballkanit Perëndimor në kuadër të procesit të Berlinit është krijimi i një tregu të përbashkët rajonal, shpresoj që do të arrijmë në 4 marrëveshje për lëvizjen e lirë të personave dhe njohjen e diplomave profesionale”, shtoi kancelari gjerman.
Ndërkaq, Scholz tha se u informua nga Kurti për reformat e nisura në luftimin e korrupsionit dhe sundimin e ligjit, teksa paralajmëroi edhe një vizitë të tij së shpejti në Kosovë.
“Kurti më informoi për kursin impresionues të reformave që ka nisur, rëndësi ka luftimi i korrupsionit dhe forcimi i sundimit të ligjit që qeveria kosovare ka vënë pikë rëndes të punës së saj përparimet nuk arrihen brenda natës por ato janë me rëndësi qendrore për qytetarët për tu hapur sidomos të rinjve perspektiva dhe shance. Jemi të gatshëm ta mbështim këtë”, deklaroi ai./teve1.info/.
