16:59 – Dukagjini “pengon” Ballkanin në Klinë
Kampioni aktual Ballkani, ka lëshuar pikët e para në edicionin e ri të Superligës së Kosovës në futboll. Pas tri fitoreve rresht, Ballkani të dielën luajti 1:1 me Dukagjinin në Klinë, në ndeshjën i takoi xhiros së pestë të elitës së futbollit kosovar.
Dukagjini ka dominuar në pjesën e parë dhe kaloi në epërsi në minutën e 44-t. Altin Merlaku shënoi nga afërsia me asistim të Iljasa Zulfiut, pas një vendosje jo të duhur të mbrojtjes së Ballkanit. Në pjesën e dytë ekipi nga Suhareka rreshtoi sulmet. Për 1:1 shënoi Albin Berisha në minutën e 71-të.
Ballkani tani është i dyti me dhjetë pikë nga katër ndeshje. Dhjetë pikë nga pesë ndeshje i ka Llapi në pozitën e parë. Ndërkohë Dukagjini mbetet ende pa fitore. Ka tri barazime e dy humbje. Me tri pikë renditet i teti.
15:50 – Kampioni në pushim me disavantazh nga Dukagjini
Dukagjini po udhëheq 1:0 ndaj Ballkanit pas pjesës së parë të ndeshjes në Klinë.
Merlaku shënoi golin e vetëm në minutën e 44-t.
