Kryendeshja e Superligës në basketboll, do të luhet të shtunën, me duelin e vetëm të kësaj dite që zhvillohet në Mitrovicë.
Trepça lidere e pret Golden Eagle Yllin, në përballjen kryesore të javës së 16-të, në një duel tejet të rëndësishëm për të dyja skuadrat.
Mitrovicasit por edhe suharekasit vijnë nga disfatat e befasishme të pësuara në mesjavë, dhe përballja me njëra-tjetrën ka shumë rëndësi në renditje.
Trepça që pësoj vetëm humbjen e katërt të sezonit, ruajti vendin e parë, por prapa ka menjëherë Bashkimin, që ka vetëm një pikë më pak, 25, dhe pret në gabimin tjetër të “minatorëve”.
Në anën tjetër, Ylli vjen nga humbja e rëndë e pësuar nga Bora e parafundit në tabelë, duke ia rrezikuar edhe pozitën në renditje.
Dueli ndërmjet Trepçës e Yllit, është i treti në këtë edicion, me mitrovicasit që i kanë fituar të gjitha përballjet dhe janë favorit edhe për ndeshjen e së shtunës, që nis nga ora 17:00.
Të dielën zhvillohen tri ndeshjet e tjera të javës së 16-të.
Fokusi gjithsesi është te ndeshja Bashkimi – Vëllaznimi, që luhet nga ora 19:00 në Sezai Surroi.
Bashkimi mposhti Trepçën, që ishte fitorja e dytë në këtë edicion ndaj lideres, dhe shpreson të nis një seri pozite, pas një formë t luhatshme në javët e fundit të vitit të shkuar.
Gjakovarët në anën tjetër vjen nga seria pozitive [rej katër fitoreve rresht dhe po sulmon pozitën e tretë në tabelë. Në dy përballjet e ndërsjella, trë dyja skuadrat kanë nga një fitore.
Dy duelet e tjera të së dielës, janë: Sigal Prishtina – Bora dhe Peja – Proton Cable Prizreni.
ProCredit Superliga-Java 16
E shtunë
17:00 Trepça – Golden Eagle Ylli
E diel
17:00 Sigal Prishtina – Bora
17:00 Bashkimi – Vëllaznimi
19:00 Peja – Proton Cable Prizreni
