Belgzim Kamberi nga Instituti “Musilne Kokalari”, duke folur për takimin e Ohrit, tha se Kosova nuk e ka nxjerrë atë që e ka synuar nga ky takim.
Kamberi në Tëvë1, megjithatë tha se ky dakordim i palëve hap një perspektivë për normalizim të marrëdhënieve mes të dyja vendeve.
“Një gjë është e qartë që Kosova nuk e ka nxjerrë atë qe e ka pritur edhe pse e ka synuar, që ajo që dihet që do të ishte njohja nga Serbia. Por në anën tjetër mendoj që kjo marrëveshje hap një perspektivë dtth për Kosovën dhe Serbinë jo vetëm në normalizim të marrëdhënieve mes dy vendeve, por e hap një perspektivë edhe evropiane e cila megjithatë do të varet tash më shumë nga Bashkimi Evropian dhe ndërmjetësuesit evropianë”, tha Kamberi.
Tutje ai në emisionin “Info Nata” theksoi se marrëveshja mes Kosovës dhe Serbisë jo vetëm që është e rëndësishme por sipas tij, është urgjente për Bashkimin Evropian.
“Për Bashkimin Evropian dhe Perëndimin në përgjithësi e veçanërisht pas pushtimit të Ukrainës nga Rusia atëherë ka filluar të bëhet urgjente dhe me rëndësi që të vetëdijesohet BE-ja, edhe për qasjen që e ka pasë për Ballkanin Perëndimor. Ajo që është e sigurtë është që topi tashmë për këtë çështje është në Bruksel, në Paris, dhe në Berlin. Tash përgjegjësia për këtë dinamikën e perspektivës evropianë do të varet nga vet Bashkimi Evropian dhe jo vetëm nga palët, sepse siç e pamë kjo ishte maksimumi që ka mund të nxjerrë Perëndimi në këtë fazë. Pra e pamë edhe në Ohër që ata u tërhoqën realisht nga ideja e firmosjes së marrevshjes, u tërhoqën edhe nga ideja e një lloj kalendari më të caktuar, sepse ishin më të interesuar për ta finalizuar marrëveshjen dhe për ta pasur një marrëveshje. dhe kjo flet se për perëndimin kjo marrëveshje ka qenë jo vetëm e rëndësishme por urgjente”, shtoi ai./teve1.info./
