Deputeti i vetëm shqiptar në Parlamentin e Serbisë, Shaip Kamberi ka takuar ambasadorin e Shteteve të Bashkuara të Amerikës në Beograd, Christopher Hill.
Përmes një shkrimi në “Facebook”, Kamberi ka thënë se me ambasadorin amerikan kanë biseduar rreth zhvillimeve politike rajonale dhe për të drejtat e pakicave në Serbi.
“Në Ambasadën e Shteteve të Bashkuara të Amerikës me E.T. Christopher R. Hill për të biseduar rreth zhvillimeve politike rajonale dhe të drejtat e pakicave që përfaqësojmë. SHBA mbetet nxitësi kryesor i demokratizimit të rajonit”, ka shkruar Kamberi. /Teve1.info/