Kamberi në Facebook ka thënë se është lajm i mirë që sot megjithë presionin e Ivica Daçiqit dhe SPS, Komisioni Komunal Zgjedhor në Bujanoc ka refuzuar ankesën e tyre për përsëritjen e zgjedhjeve në Tërnoc të Bujanocit.
Sipas tij ky presion politik i strukturave të Beogradit kundër shqiptarëve është vazhdimësi e praktikave të viteve 90-ta.
“Presioni politik i strukturave qendrore në Beograd ndaj organeve zgjedhore kundër shqiptarëve është vazhdimësi e praktikave të viteve ’90”, tha Kamberi.
Ai tha se pavarësisht këtyre përpjekjeve nuk do të mund të ndalet zëri i shqiptarëve në Parlament.
“Sado që vazhdojnë përpjekjet për ta pamundësuar zërin e shqiptarëve në Parlament, ato nuk do të mund ta ndalin vullnetin e mbi 13.000 votave të shqiptarëve të Luginës”, tha tutje ai.
Ndryshe gjatë ditës së sotme pas refuzimit të ankesës së socialistëve në Serbi, ka reaguar edhe kryetari i Partisë Socialiste të Serbisë, Ivica Daçiq, i cili ka thënë se do të bëjë ankesë për vendimin e Komisionit Komunal Zgjedhor në Bujanoc, i cili ka refuzuar kërkesën për përsëritjen e zgjedhjeve në Tërnovc të Madh për shkak të siç tha ai parregullsive zgjedhore./teve1.info/.
