Presidenti i Bashkimit të Sindikatave të Pavarura të Shqipërisë, Gëzim Kalaja me rastin e 35-vjetorit të Grevës së Minatorëve ka thënë se të gjithë minatorëve jo vetëm të Trepçës duhet të iu bëhet kontrata kolektive e cila është kushtetuta e punonjësve.
Kalaja ka theksuar se Qeveria duhet të ua realizoj kërkesat minatorëve, sipas tij, minatorët duhet t’i kenë pagat dinjitoze, pensionet, sigurinë dhe shëndetin në punë.
Ai u ka bërë thirrje minatorëve që mos të dorëzohen nga lidhja e kontratës kolektive, shkruan teve1.info
“Më lejoni të uroi gëzuar, njëkohësisht iu bëjë thirrje se minatorëve të Trepçës të iu lidhet kontrata kolektive e cila është kushtetuta e punonjësit dhe minatorëve , jo vetëm të Trepçës po të gjithë minatorëve të botës. Duhet të keni paga dinjitoze, pensionet e juaja, siguria dhe shëndeti në punë dhe shumë probleme të tjera që do t`i trajtoni në kontratën kolektive, do të varet nga vendosmëria e juaj, qëndresa e juaj. Kurrë mos hiqni dorë nga lidhja e kontratës kolektive ajo do të jetë drita jeshile e fundit të …. i cili do të sjell përmirësimet e kushteve sociale të cilët ju i meritoni. Këtu jeni të gjithë sot dhe mendoi se kjo mbështetje dhe përkrahjen tuaj për kërkesat që ju i meritoni dhe Qeveria duhet të ua realizoj”, ka deklaruar Kalaja.
Ndryshe, para 35 viteve minatorët e Trepçës kishin filluar grevën e urisë për të mbrojtur Kosovën nga regjimi i Sllobodan Millosheviqit.
Ishin rreth 1,300 minatorë që kishin hyrë në këtë grevë për të mbrojtur ekzistencën e Kosovës dhe autonominë e saj.
Greva historike e minatorëve të “Trepçës” e vitit 1989 qe shndërruar në rezistencë gjithë popullore demokratike e paqësore kundër presioneve të Serbisë për ta ripushtuar Kosovën./teve1.info/
