Njohësi i çështjeve të sigurisë, Fadil Kajtazi, e ka quajtur avancim të procedurës së anëtarësimit të Kosovës në NATO, përmendjen e saj në strukturat e aleancës veriatlantike, raporton teve1.info
Në emisionin “Info-Nata” në Tëvë1, Kajtazi tha se deri tek anëtarësimi i Kosovës në NATO do të ketë edhe shumë sfida.
“Sfida do të ketë në të ardhmen derisa Kosova të jetë anëtare e rregullt e NATO-s mirëpo pa këtë procedurë, pa kaluar këto faza, partneritetit për paqe dhe faza tjera nuk mund të bëhesh anëtar me të drejta të barabarta të NATO-s. Sidoqotë vetëm përmendja e Kosovës brenda strukturave të NATO-s si vëzhgues aty mjafton për këtë fazë, për fazën në të cilën po kalon Rajoni dhe bota”, u shpreh ai.
Kajtazi shtoi se një gjë e tillë ka hap derën për anëtarësim të plotë të Kosovës në Aleancën veriatlantike-NATO.
“Është hapë dera për të avancuar procedurën e cila dërgon në anëtarësim të plotë. Në fakt sa i përket pjesës operacionale të FSK-së, sa i përket legjislacionit, Kosova përmbush në pjesën më të madhe standardet që të jetë edhe sot anëtare e NATO-s për arsye se ndërtimi i FSK-së është asistuar nga specialistë të NATO-s. Mirëpo tani mbeten përmbushjet e standarde e politike të shtetit të Kosovës që janë standarde kogjo të rafinuara dhe besoj që në këto vitet në vijim në qeveri edhe kjo aktuale edhe të tjerat do të jenë të kujdesshëm që t’i përmbushin”, tha Kajtazi.
Ndërsa, sa i përket kërcënimit të presidentit serb Vuçiq ndaj Kosovës, ai tha se pavarësisht rrethanave, një deklaratë e tillë duhet të jetë shqetësim.
“Shqetësim duhet të jetë për arsye se kjo ideologji është një bombë e kurdisur sepse varësisht prej situatës në botë mund të kërcas dhe shkaktoj probleme, por lajmi i sotëm për afrimin Kosovës në NATO, rrethimi i Kosovës me vende anëtarë të NATO-s e ka shndërrua në një oazë të së keqes, ka mbet si një dele e zezë në mes të deleve të bardha dhe shpresat janë në këtë, në izolimin që vendet e NATO-s ia kanë bërë Serbisë”, tha ai.
